O‘zbekiston texnologik metallar kombinati (TMK) geologlari zamonaviy raqamli geologiya va konchilik yechimlaridan biri Micromine dasturi bo‘yicha uch bosqichli xalqaro kursda tahsil olmoqda.
🇺🇿 Mazkur tashabbus "Raqamli O‘zbekiston — 2030" strategiyasi doirasida sanoatni raqamlashtirish va zamonaviy texnologiyalarni joriy etish bo‘yicha ustuvor vazifalarni amaliyotga tatbiq etishga xizmat qilmoqda.
Dastur quyidagi yo‘nalishlarni qamrab oladi:
🧊 Micromine Geobank — geologik ma’lumotlarni yig‘ish, tizimlashtirish va boshqarish;
🧊 Micromine Origin — qidiruv, 3D modellash va zaxiralarni hisoblash;
🧊 Micromine Beyond — konlarni loyihalash va ishlab chiqarishni rejalashtirish.
✅ Ayni paytda TMK geologlari Micromine Origin bosqichini muvaffaqiyatli yakunlab, resurslar real iqtisodiy qiymatga aylantiriladigan Micromine Beyond darslarini boshlamoqda.
Mazkur dastur TMKda:
➡️ 3D geologik modellashni joriy etish;
➡️ zaxiralarni aniq va shaffof baholash;
➡️ texnik-iqtisodiy jihatdan optimal kon loyihalarini ishlab chiqish;
➡️ ishlab chiqarish samaradorligini oshirish;
➡️ investorlar uchun ishonchli “bankable” ma’lumotlar bazasini shakllantirish imkonini beradi.
TMK raqamli geologiya va ilg‘or texnologiyalar orqali kelajak metallari sanoatini shakllantirmoqda.
