Kombinat to‘g‘risida

Kombinatimiz nomidan sizlarni qutlaganimizdan mamnunmiz! Kombinatimiz faoliyati to‘g‘risida qisqa so‘zlab berishga ijozat bering.
Bugun jahonda elektromobil, “yashil” energetika, elektroenergetika sanoatida kamyob metallarga talab tobora ortib bormoqda. Shuningdek, molibden, tellur, selen va grafit narxlari keskin oshmoqda.
O‘zbekistonda sanoat uchun muhim minerallar bo‘yicha ulkan zaxiralar mavjud. Ularni o‘zlashtirisak va ishlab chiqarishni tashkillashtirsak, bu nafaqat o‘z ehtiyojlarimizni to‘liq qondiradi, shu bilan birga uni eksport qilishga imkon beradi va yuqori texnologiyali bozorlarda o‘z pozitsiyamizni kuchaytirishga zamin yaratadi.
Shu maqsadda “O‘zbekiston texnologik metallar kombinati (UZTMK)” tashkil qilindi va qator yo‘nalishlarni o‘z ichiga oladi.
Qanday yo‘nalishlaridan iborat?
Yaqin orada respublikamizning ayrim hududlarida 8 ta investitsion loyihalarni amalga oshirishga mo‘ljallanganmiz. Ularning ichiga litiy, grafit, mis, tantal va niobiy konlarini sanoatda o‘zlashtirishga, istiqbolli maydonlarda nikel, kobalt, xrom, magniy zaxiralarini texnologik ajralib olish bo‘yicha loyihalar kiradi.
Bundan tashqari, kombinat yuqori qo‘shimcha qiymatga ega sifatli mahsulot ishlab chiqaradi. Litiy, volfram, molibden va boshqa muhim minerallarni chuqur qayta ishlash zanjirlari o‘ylab chiqilgan. Kukun metallurgiyasi sanoatini 2030-yilga qadar tubdan rivojlantirish chora-tadbirlari ham ishlab chiqilgan.
Yetuk kadrlarni tayyorlash masalasiga ham jiddiy qarayapmiz. Kombinat bu borada yetakchi mahalliy va xalqaro oliy ta’lim muassasalari va tashkilotlari bilan hamkorlik olib bormoqda. Jumladan, Geologiya fanlari universiteti, MISiS instituti hamda Navoiy davlat konchilik va texnologiyalar universitetida jami 250 nafar mutaxassis tayyorlanadi. Bundan tashqari, UZTMK’da bakalavriat, magistratura va doktorantura talabalari amaliyot (stajirovka) o‘tadi. OTM’larning professor-o‘qituvchilari va ilmiy xodimlari korxonada o‘z malakasini uzluksiz ravishda oshirib kelmoqda.
Ilm-fan va texnika yutuqlaridan foydalanib, ishlab chiqarishga ilg‘or texnologiyalarni joriy qilyapmiz. Shu maqsadda kombinat qoshida zamonaviy laboratoriya hamda volfram va molibdenni ishlab chiqarishga mo‘ljallangan pilot ko‘rinishidagi gidrometallurgik sex ishga tushirildi. Loyihalashtirish ofisi ham ochilib, uning vazifalariga tijoratlashtirish va innovatsion texnologiyalarni joriy etish masalalari kiradi.