O‘zbekiston texnologik metallar kombinati (TMK) va University of Business and Science vakillaridan iborat delegatsiya Janubiy Koreyaning Seul shahrida joylashgan nufuzli Sookmyung Women's Universityda rasmiy tashrif bilan bo‘ldi.
Tashrif doirasida delegatsiya universitet rektori Si Yeon Moon bilan uchrashuv o‘tkazdi. Uchrashuv davomida ilmiy-texnik hamkorlikni kengaytirish, innovatsion loyihalarni qo‘llab-quvvatlash hamda barqaror rivojlanish masalalari muhokama qilindi.
🌍 Muzokaralar yakunida tomonlar quyidagi yo‘nalishlarda hamkorlikni rivojlantirishga kelishib oldilar:
Qo‘shma xalqaro grant loyihalarida ishtirok etish
Sun’iy intellekt sohasida ilmiy tadqiqotlar olib borish
Kadrlarni tayyorlash va qayta tayyorlash dasturlarini yo‘lga qo‘yish
Gender tengligini rivojlantirish va ayollar ilm-fan hamda texnologiya sohalaridagi ishtirokini kengaytirish
Hamkorlikning ustuvor yo‘nalishlari:
➡️ Kimyo texnologiyasi sohasida ilmiy tadqiqotlar o‘tkazish
➡️ Sun’iy intellekt va raqamli texnologiyalarni sanoatda qo‘llash
➡️ Texnologik tadbirkorlik va startap loyihalarini rivojlantirish
➡️ Loyihalarni boshqarish bo‘yicha zamonaviy yondashuvlarni joriy etish
➡️ Gender tengligi, ayollar yetakchiligi va STEM yo‘nalishlarida imkoniyatlarni kengaytirish
Mazkur tashrif TMK va Janubiy Koreya ilmiy hamjamiyati o‘rtasidagi strategik sheriklikni mustahkamlash, innovatsion texnologiyalar transferini jadallashtirish, shuningdek, inklyuziv va barqaror rivojlanishga xizmat qiluvchi gender muvozanatli ilmiy muhitni shakllantirishga qaratilgan.
_1773116289.jpg)
_1773116289.jpg)
