O‘zTMK delegatsiyasining Yevropa ilg‘or uglerod va grafit materiallari assotsiatsiyasi (ECGA) yig‘ilishlaridagi ishtiroki davom etmoqda.
9-aprel kuni ECGA Energetika qo‘mitasi yig‘ilishi o'tkazilgan bo'lsa, bugun ECGAning umumiy yig‘ilishi (General Assembly) bo‘lib o‘tdi.
Yig‘ilish doirasida O‘zTMK Boshqaruv raisining fan va taraqqiyot masalalari bo‘yicha o‘rinbosari Amir Abidov xalqaro hamjamiyat vakillari bilan kombinat faoliyati, ilmiy-tadqiqot yo‘nalishlari va xalqaro hamkorlik tashabbuslari haqida taqdimot o‘tkazdi.
Shuningdek, yig'ilishda:
Energiya va karbon bozorlari holati;
Yevropa toza sanoat bitimi;
Sanoat, energetikaga oid Yevropa Ittifoqining eng so‘nggi siyosatlari;
ECGAning 2025–2026-yillarga mo‘ljallangan strategik yo‘nalishlari bo‘yicha hisobotlar tinglandi.
Mazkur ishtirok O‘zTMK uchun sanoatning dekarbonizatsiyasi, barqaror energiya siyosati va texnologik yechimlar borasida Yevropa tajribasini o‘rganish, xalqaro aloqalarni mustahkamlashda muhim ahamiyat kasb etmoqda.
