🌐 O‘zbekiston texnologik metallar kombinati (TMK) va Oman Investment Bank o‘rtasida xalqaro moliyaviy hamkorlikni rivojlantirish, sanoat loyihalariga investitsiyalar jalb etish va mahsulotlar savdosini kengaytirish masalalari muhokama qilindi.
💠 Muzokaralarning asosiy natijasi xalqaro kapital bozorlariga chiqish va investitsiya loyihalarini moliyalashtirish bo‘yicha hamkorlik yo‘nalishlarining belgilanishi bo‘ldi.
Xususan, bank tomonidan TMKning xalqaro bozorlarda yevroobligatsiyalarni joylashtirishiga amaliy ko‘maklashish, investitsiya loyihalari uchun moliyaviy resurslar jalb etish hamda mahsulotlarni sotish bo‘yicha offtake shartnomalarini tuzishga ko‘maklashish taklif etildi.
📈 Ushbu tashabbuslar TMK uchun xalqaro moliyalashtirish manbalarini kengaytirish, yangi ishlab chiqarish quvvatlarini rivojlantirish va mahsulotlar savdosini kengaytirishda qo‘shimcha imkoniyatlar yaratishi mumkin.
🤝 Tomonlar mazkur yo‘nalishlarda hamkorlikni rivojlantirish va amaliy muzokaralarni davom ettirishga kelishib oldilar.
#TMK #OmanInvestmentBank #XalqaroHamkorlik #Investitsiyalar #KapitalBozorlari #Yevroobligatsiyalar #MoliyaviyHamkorlik
