Joriy yilning 5-may kuni Toshkent shahrida bo‘lib o‘tadigan nufuzli O‘zbekiston – Turkiya biznes forumida O‘zbekiston texnologik metallar kombinati (TMK) ishtirok etadi.
Bugungi kunda O‘zbekiston texnologik metallar kombinati O‘zbekistonning kritik minerallar va texnologik metallar sohasidagi yirik sanoat ekotizimi sifatida xalqaro investorlar uchun hamkor sanaladi. TMK geologik qidiruvdan tortib qazib olish, chuqur qayta ishlash va tayyor mahsulot ishlab chiqarishgacha bo‘lgan “kon-metal-bozor” to‘liq qiymat zanjirini shakllantirib bormoqda.
Forum doirasida TMK tomonidan kritik minerallar bo‘yicha istiqbolli investitsiyaviy loyihalar, sanoat kooperatsiyasi imkoniyatlari hamda qo‘shma ishlab chiqarish tashabbuslari taqdim etiladi. Shuningdek, TMK tasarrufidagi quyidagi tashkilotlar ham o‘z salohiyati va loyihalari bilan qatnashadi:
• TMK Chemicals — sulfat kislotasi ishlab chiqarish yo‘nalishi
• R&D Park — kritik minerallar bo‘yicha ilmiy-tadqiqot majmuasi
• Kelajak metallari texnoparki — kritik va noyob metallarni chuqur qayta ishlash texnoparki
• UTMK Smart Powder — kukun metallurgiyasi yo‘nalishi
• Graphtech Mining and Production — tog‘-kon sanoati loyihalari
TMK bilan hamkorlik — kelajak sanoatiga sarmoya!
