Bugun “O‘zbekiston texnologik metallar kombinati” AJ va O‘zbekiston Respublikasi Fanlar akademiyasi o‘rtasida fan, ta’lim va innovatsion rivojlanish sohasida o‘zaro hamkorlikni mustahkamlashga qaratilgan uchrashuv bo‘lib o‘tdi.
Uchrashuv davomida TMK tomonidan innovatsion faoliyat va ta’lim yo‘nalishida amalga oshirilayotgan ishlar bo‘yicha taqdimot o‘tkazildi. Xususan, quyidagi mavzular atroflicha muhokama qilindi:
“Materialshunoslik instituti”ning zamonaviy ilmiy-texnik ishlanmalari;
Texnogen chiqindilar va boy bo‘lmagan rudalarni qayta ishlash bo‘yicha kompleks texnologiyalar.
Uchrashuvning muhim voqeasi - TMK va Fanlar akademiyasi o‘rtasida anglashuv memorandumi imzolangani bo'ldi.
Ushbu hujjat o‘zaro hamkorlikni kengaytirish, jumladan, ilmiy va amaliy tashabbuslarni uyg‘unlashtirish, respublikaning mineral xomashyo resurslarini chuqur qayta ishlash hamda yuqori texnologiyali sanoatni rivojlantirish yo‘lida muhim qadamdir.
TMK “ilm – amaliyot uchun, amaliyot – iqtisodiyot uchun” tamoyilini faol hayotga tatbiq etmoqda.
