_1765263669.jpg)
Bugun Xitoyning O‘zbekiston kritik minerallar sektoriga qiziqishi sezilarli darajada ortib bormoqda. Kuni kecha TMK bosh ofisida Xitoyning yirik davlat muhandislik-qurilish korporatsiyasi CNCEC Sixth Construction kompaniyasi bilan bo‘lib o‘tgan uchrashuv ham bu jarayonning yaqqol tasdig‘i bo‘ldi.
Uchrashuv avvalida tomonlar o‘z faoliyat yo‘nalishlari va amaldagi loyihalar bo‘yicha taqdimotlar o‘tkazdi. Asosiy e’tibor volfram loyihalari hamda ushbu yo‘nalishda hamkorlik qilish imkoniyatlariga qaratildi.
Tomonlar texnogen chiqindilardan qimmatli komponentlarni ajratib olish, istiqbolli kon maydonlarini baholash, geologik izlanishlarni rivojlantirish va yuqori qo‘shilgan qiymatli volfram mahsulotlari ishlab chiqarish borasida fikr almashdilar.
Mazkur uchrashuv TMK va CNCEC o‘rtasida uzoq muddatli hamkorlikning boshlanishi sifatida qayd etildi.
Ma’lumot uchun, CNCEC – Xitoyning eng yirik davlat injenerlik-qurilish korporatsiyalaridan biri bo‘lib, xalqaro miqyosda sanoat inshootlari, qayta ishlash majmualari va zavodlar qurilishi bo‘yicha keng tajribaga ega. Kompaniya 50 dan ortiq davlatda yirik loyihalarni amalga oshirgan.
_1765263690.jpg)
_1765263690.jpg)
_1765263690.jpg)
