O‘zbekiston texnologik metallar kombinati va Xitoyning “Ximei Resources” kompaniyasi o‘rtasida hamkorlik uchrashuvi bo‘lib o‘tdi.
Unda kompaniyaning O‘rta Sharq bo‘yicha menejeri Ruken Gill va O‘zbekistondagi vakili Anna Usovalar ishtirok etishdi. Uchrashuv avvalida ikkala tomonning (O‘zTMK va Ximei Resources) faoliyati va hamkorlikdan ko‘zlangan rejalar haqida gaplashildi.
“Ximei Resources” kompaniyasi O‘zTMK bilan tantal, molibden, volfram kabi bir qator metallar bo‘yicha hamkorlikni taklif qilmoqda.
Ma’lumot uchun, Ximei Resources dunyoda tantal va niobiyni gidrometallurgik qayta ishlash hajmi bo‘yicha ikkinchi, Xitoy ichki bozorida esa birinchi o‘rinda turadi.
