Boshqaruv raisi: “Siz yoshlar TMKning kelajagini yaratadigan katta kuchsiz!”
O‘zbekiston texnologik metallar kombinati Boshqaruv raisi TMKning 60 nafardan ortiq yosh xodimlari bilan ochiq va samimiy muloqot o‘tkazdi.
Uchrashuv davomida yoshlar o‘zlarini qiziqtirgan savollarni bevosita Boshqaruv raisiga yo‘llab, tashabbus va takliflarini bildirdi. Muloqot rasmiy uchrashuvdan ko‘ra, tajriba, dunyoqarash va kelajak haqidagi ochiq fikr almashinuviga aylandi.
“Biz hammamiz bir oilamiz, siz esa farzandlarimizsiz. Sizlar bildirgan tashabbuslarni, intilishlaringizni qoʻllab-quvvatlaymiz, TMK rahbariyati doim yoningizda. Faqat olgʻa”, — dedi Boshqaruv raisi.
Bugun O‘zbekiston kritik minerallar sohasida yangi sanoat salohiyatini shakllantirmoqda. Bu jarayonning muvaffaqiyati zamonaviy fikrlaydigan, yangi texnologiyalarni egallagan va katta vazifalarni bajarishga tayyor yosh kadrlarga bevosita bog‘liq.
Shu bois O‘zbekiston texnologik metallar kombinati uchun yoshlar bilan ishlash nafaqat kadrlar siyosati, balki TMKning uzoq muddatli rivojlanish strategiyasining muhim yo‘nalishidir.
#YouthDevelopment #FutureLeaders #CriticalMinerals #Uzbekistan #TMK
