Gap shundaki, O’zbekiston texnologik metallar kombinati va Oliy ta’lim, fan va innovatsiyalar vazirligi hamkorligida “Kelajak muhandislari” festivali o’tkazilib, kuni kecha tadbir yakuniga yetdi. Tadbir yakunida 4 nafar g‘olibga O’zTMK tomonidan ularning orzusidagi sovg’a topshirildi. U sovg’a esa… “EXPO-2025” xalqaro ko‘rgazmasida ishtirok etish uchun Yaponiyaga yo‘llanma!
G’oliblar “Art engineering”, muhandislik ishlanmalari, shuningdek, 3D modellashtirish, “Drone racing” musobaqalarida ishtirok etgan eng kuchli yoshlar va jamoalar orasidan saralab olindi. Bu yoshlar endi Osakada bo‘lib o‘tadigan yirik ko‘rgazmada o‘z g‘oyalari, loyihalari va ilmiy ishlanmalari bilan xalqaro maydonda ishtirok etish imkoniga ega bo‘lishadi.
O‘zTMK iqtidorli yoshlarni qo‘llab-quvvatlashda davom etadi. Yoshlarga omad tilaymiz. Yuksalish sari dadil qadamlar tashlashda davom eting!
