Bugun Toshkent shahrida "Xalqaro sanoat ko‘rgazmalari – 2026" doirasida #UzMetalMashExpo va #UzMiningExpo ko‘rgazmalari o‘z ishini boshladi. Ko'rgazmalar 7–9-aprel kunlari davom etadi.
Mazkur ko‘rgazma metallurgiya, mashinasozlik, tog‘-kon sanoati hamda maxsus texnika kabi tarmoqlarni bir maydonda birlashtirib, sanoatning to‘liq qiymat zanjirini qamrab oladi.
Ayni paytda ko‘rgazmada turli mamlakatlardan 140 dan ortiq kompaniyalar ishtirok etmoqda. Ishtirokchilar tarkibi Xitoy, Germaniya, Italiya, Turkiya, Rossiya, Avstriya, Qozog‘iston va boshqa davlatlarni qamrab olgan bo‘lib, quyidagi yo‘nalishlar keng namoyish etilmoqda:
✅ metallga ishlov berish uskunalari va CNC texnologiyalar;
✅ lazer kesish, payvandlash va avtomatlashtirilgan ishlab chiqarish tizimlari;
✅ tog‘-kon va boyitish uskunalari;
✅ sanoat avtomatizatsiyasi va muhandislik yechimlari;
✅ yangi materiallar va sanoat komponentlari.
O‘zbekiston texnologik metallar kombinati vakillari ham ushbu xalqaro maydonda ilg‘or texnologiyalar bilan yaqindan tanishmoqda hamda yangi hamkorlik imkoniyatlarini o‘rganmoqda.
Mazkur ko‘rgazma TMK uchun global hamkorlar bilan aloqalarni kengaytirish, texnologiya transferi va qo‘shma loyihalarni shakllantirish uchun navbatdagi maydon hisoblanadi.
Jarayonlarni biz bilan kuzatib boring.
