Toshkent shahrida Finlyandiya Prezidenti Aleksandr Stubb ishtirokida o‘tgan “O‘zbekiston-Finlyandiya biznes-forumi”da
TMK boshqaruv raisi Farhod Abdullayev boshchiligidagi delegatsiya ham forumda faol ishtirok etdi.
Unda delegatsiya vakillari konchilik, metallurgiya, muhandislik va boshqa sohalarda faoliyat yuritayotgan yetakchi fin kompaniyalari rahbarlari bilan uchrashuv va muzokaralar o‘tkazdi. Xususan, Metso, Normet, GTK (Finlyandiya Geologiya xizmati), EPSE, Wärtsilä Energy, AINS Group va GreyStar Real Estate Partners kabi kompaniyalar bilan uchrashuvlar tashkil etildi.
Forum yakunida TMK va Metso kompaniyasi, shuningdek, TMKning qo‘shma korxonasi “Graphtech Mining and Production” MCHJ hamda Metso o‘rtasida konchilik, geologiya va metallurgiya yo‘nalishlarida o‘zaro anglashuv memorandumlari imzolandi.
Ushbu kelishuvlar O‘zbekiston va Finlyandiya o‘rtasidagi uzoq muddatli iqtisodiy hamkorlikni yanada kuchaytirib, qo‘shma investitsion va texnologik loyihalar uchun yangi imkoniyatlar yaratadi.
_1762144104.jpg)
_1762144116.jpg)
_1762144086.jpg)
_1762144088.jpg)
