Prezidentimiz Shavkat Mirziyoyevning kelajakka qaratilgan “ta’lim, ilm-fan va sanoat” zanjirini yaratish, dunyoning eng nufuzli 50 universiteti bilan hamkorlikni yo‘lga qo‘yish tashabbusi bugun yangi bosqichga ko‘tarildi.
Bu jarayonning yorqin namunasi sifatida O‘zbekiston texnologik metallar kombinati (TMK) delegatsiyasi dunyoning ilmiy-intellektual markazi sifatida tan olingan, so‘nggi o‘n yilliklarda global reytinglarda birinchi o‘rinni egallab kelayotgan Massachusetts Institute of Technology (MIT)ga tashrif buyurdi.
Tashrif davomida TMK delegatsiyasi UBS universiteti bilan hamkorlikda MIT vitse-prezidenti, dunyo tan olgan olim – Professor Dimitris Bertsimas bilan uchrashdi.
Natijada TMK va MIT o‘rtasida zamonaviy texnologiyalarni o‘qitish bo‘yicha hamkorlik shartnomasi imzolandi.
Shartnomaga ko‘ra, ilk bosqichda TMKning 100 nafar muhandis xodimi MITning ilg‘or ta’lim platformasida o‘qitiladi.
Bu tashabbus – oddiy ta’lim loyihasi emas, balki:
O‘zbekiston muhandislarini eng yangi texnologiyalar va global innovatsion tajribalar bilan tanishtiradi;
Amerika ta’lim tizimining ilg‘or standartlarini milliy kadrlar tayyorlash jarayoniga olib kiradi;
Sanoatimizni ertangi kun talablariga mos ravishda xalqaro miqyosda raqobatbardosh mutaxassislar bilan ta’minlaydi.
TMKning ushbu hamkorligi – O‘zbekistonda ta’lim va sanoat integratsiyasining yangi davrini boshlab berdi.
_1758966358.jpg)
_1758966354.jpg)
_1758966353.jpg)
_1758966358.jpg)
