Saudiya Arabistonining Ar-Riyod shahrida bo‘lib o‘tgan Future Minerals Forum 2026'da O‘zbekiston texnologik metallar kombinati (TMK) malakatimizning kritik minerallar bo‘yicha salohiyatini xalqaro auditoriyaga taqdim etdi.
TMK ishtirokida “Markaziy Osiyo — kritik minerallar: geologik haqiqatdan global qo‘shma rivojlantirish modellari sari” mavzusida yuqori darajadagi xalqaro panel sessiyasi o‘tkazildi.
Unda TMK Boshqaruv raisi maslahatchisi Han Ilhan TMKning integratsiyalashgan sanoat modeli, xalqaro hamkorlik yo‘nalishlari hamda investitsion imkoniyatlari yuzasidan ishtirokchilar bilan atroflicha fikr almashdi.
Shuningdek, FMF 2026 doirasida TMK faoliyati bo‘yicha yirik taqdimot o‘tkazildi, unda:
O‘zbekistonning kritik minerallarga boy salohiyati;
investitsiya uchun yangi imkoniyatlar;
TMKning “kon–metall–bozor” tamoyiliga asoslangan integratsiyalashgan yondashuvi
xalqaro auditoriyaga taqdim etildi.
Saudiya Arabistoni Sanoat va mineral resurslar vaziri Bandar bin Ibrohim Al-Xorayefning TMK stendiga tashrif buyurib, muloqot o‘tkazgani eng muhim lahzalardan biri bo‘ldi.
Shuningdek, forum davomida TMK 200 dan ortiq kompaniyalar bilan kritik minerallar yo‘nalishida samarali muzokaralar olib bordi. Hamkorlik aloqalarini yo‘lga qo‘yish va kelgusi loyihalar bo‘yicha dastlabki kelishuvlarga erishdi.
