TMK hamda Koreya Geologiya va Mineral Resurslar Instituti (KIGAM) vakillari o‘rtasida onlayn muloqot shaklida uchrashuv tashkil etildi. Uchrashuvda, shuningdek, O‘zbekistonning Koreyadagi diplomatik vakolatxonasi, Geologiya fanlari universiteti hamda Mineral resurslar instituti vakillari ishtirok etdi.
🎯 Muloqotda asosiy e’tibor O‘zbekistondagi istiqbolli hududlarda kritik minerallar bo‘yicha geologik tadqiqotlar o'tkazish va TMK bilan qo‘shma ilmiy-texnik loyihalarni amalga oshirishga qaratildi.
KIGAM tomonidan bildirilgan ustuvor yo‘nalishlar:
🔘O'zbekistonning pegmatit rudalar bo'yicha istiqbolli maydonlari;
🔘 noyob yer karbonatlari va alkalin magmali istiqbolli maydonlarda geologik o'rganishlar olib borish.
TMK mazkur maydonlarda olib borilayotgan faoliyat doirasida KIGAM bilan texnik va tashkiliy hamkorlikni kuchaytirish bo‘yicha aniq takliflarni ilgari surdi.
Xususan, pegmatit rudalarini chuqur o‘rganish va qayta ishlash, kul-shlak chiqindilari bo‘yicha qo‘shma loyihalar ishlab chiqilishi rejalashtirilmoqda.
KIGAM singari dunyoning yetakchi ilmiy-tadqiqot institutlari bilan o'tkazilayotgan bu kabi hamkorlik uchrashuvlari orqali TMK global ilmiy-tadqiqot tarmog‘idagi o'z o‘rnini faol mustahkamlamoqda.
