Toshkent shahrida BMT Yevropa Iqtisodiy Komissiyasi (UNECE) hamda Shveytsariya taraqqiyot va hamkorlik agentligi ko‘magida “Suv resurslari, sanoat xavfsizligi va chiqindilarni boshqarish” bo‘yicha Idoralararo ishchi guruhning navbatdagi yig‘ilishi bo‘lib o‘tdi.
Mazkur platforma mintaqaviy ekologik boshqaruvni xalqaro standartlar bilan uyg‘unlashtirishga xizmat qiladigan eng nufuzli maydonlardan biridir.
Yig‘ilishda TMK Atrof-muhitni muhofaza qilish xizmati boshlig‘i Aygul Igembayeva volfram rudalarini qayta ishlash jarayonlari va ekologik xavflarni kamaytirish bo‘yicha taqdimot o‘tkazdi.
Taqdimot TMKning mas’uliyatli konchilik amaliyotlarini joriy etishdagi yondashuvini, shuningdek global ESG tamoyillariga sodiqligini namoyish etdi. Unda quyidagi ustuvor yo‘nalishlar yoritildi:
⚫️volframni boyitish jarayonida chiqindilarni minimallashtirish;
⚫️suvdan foydalanish samaradorligini oshirish;
⚫️ESG standartlariga mos ishlab chiqarish jarayonlari;
⚫️sanoat xavfsizligi va xalqaro konvensiyalar talablariga muvofiqlik.
TMKning ushbu ishtiroki O‘zbekistonning kritik minerallar sektorida xalqaro ESG tamoyillariga mos, mas’uliyatli va barqaror yondashuvni shakllantirayotganini yaqqol ko‘rsatdi.
