Bugun O‘zbekiston texnologik metallar kombinati (TMK) bosh ofisida Markaziy Osiyo, Janubi-Sharqiy Osiyo va Xitoy bozorlarida keng ko‘lamli faoliyatga ega gigant kompaniya Asia Goldmelt Group delegatsiyasi bilan muhim uchrashuv bo‘lib o‘tdi.
Unda tomonlar O‘zbekistonda texnogen chiqindilarni qayta ishlash orqali qimmatli metallar olishga qaratilgan zamonaviy sanoat tizimini joriy etish loyihasini muhokama qildilar. Mazkur yondashuv sanoat chiqindilarini qayta ishlash orqali texnogen chiqindilarni foydali mahsulotlarga aylantiradi. Bu esa TMKni ESG tamoyillari asosida yangi bosqichga olib chiqadi.
TMKning texnogen chiqindilarni qayta ishlash bo‘yicha yirik tashabbuslaridan biri — “Angren kul va shlaklarini qayta ishlab foydali mahsulotlarni yaratish” loyihasi yuzasidan amaliy hamkorlikni yanada rivojlantirishga kelishildi.
TMK sanoat chiqindilarini qayta ishlash orqali ularni qiymatga aylantirib, O‘zbekistonda mas’uliyatli yashil metallurgiyaning yangi bosqichini yaratmoqda.
