O‘zbekiston texnologik metallar kombinati dunyodagi eng yirik barqaror biznes tashabbuslaridan biri — United Nations Global Compact ishtirokchisiga aylandi.
Global shartnomaga qo‘shilish orqali TMK inson huquqlari, mehnat standartlari, atrof-muhitni muhofaza qilish va korrupsiyaga qarshi kurash sohalarida 10 ta tamoyilga sadoqatini tasdiqlaydi.
Shuningdek, TMKning ushbu tamoyillarni ESG strategiyasi, korporativ boshqaruv va ishlab chiqarish faoliyatiga barqaror integratsiya qilishga tayyorligini ko‘rsatadi.
Mazkur tashabbus doirasida TMK:
- ESG tamoyillarini TMK strategiyasi va operatsion faoliyatiga integratsiya qiladi;
- Barqaror rivojlanish maqsadlariga (SDGs) xizmat qiluvchi loyihalarni amalga oshiradi;
- Har yili “Communication on Progress (COP)” hisobotini e’lon qilib, ESG sohasidagi natijalarini xalqaro darajada ochiq e'lon qiladi.
Bu qadam TMKning xalqaro ESG standartlarini joriy etish, ekologik xavflarni kamaytirish, ishlab chiqarish xavfsizligini mustahkamlash va ijtimoiy mas’uliyatni kengaytirish borasidagi tizimli ishlarini yangi bosqichga olib chiqadi.
