Muhammad al-Xorazmiy nomidagi Toshkent axborot texnologiyalari universitetida O‘zbekiston texnologik metallar kombinati (TMK) vakillari, universitet rahbariyati, professor-o‘qituvchilar va talabalar ishtirokida uchrashuv bo‘lib o‘tdi.
Uchrashuv davomida AI, GIS tizimlari, situatsion markaz, raqamli egizaklar (Digital Twins), 3D-modellashtirish, robototexnika, videoanalitika hamda ishlab chiqarish obyektlarini raqamlashtirish yo‘nalishlarida hamkorlik masalalari muhokama qilindi.
Tomonlar:
▫️ istiqbolli talabalar va yosh mutaxassislar guruhini shakllantirish,
▫️ sanoat uchun AI asosidagi yechimlar ishlab chiqish,
▫️ real ishlab chiqarish jarayonlari asosida amaliy loyihalarni yo‘lga qo‘yish,
▫️ startap va grant tashabbuslarini qo‘llab-quvvatlash,
▫️ hamda yoshlarning innovatsion g‘oyalarini TMK raqamli ekotizimiga integratsiya qilish masalalarini ko‘rib chiqdi.
Alohida ta’kidlash joizki, TMK tomonidan yaratilayotgan yangi hamkorlik modeli talabalar uchun real sanoat muammolari ustida ishlash, zamonaviy professional vositalardan foydalanish va yirik sanoat loyihalarida ishtirok etish imkoniyatini yaratadi.
