TMK bosh ofisida Yevropaning eng nufuzli moliya institutlaridan biri, 60 dan ortiq mamlakatlarda faoliyat yurituvchi Societe Generale Banki vakillari bilan navbatdagi uchrashuv bo‘lib o‘tdi.
Unda Societe Generale banki tabiiy resurslar, metallurgiya va sanoat bo‘limi direktori Konstantin Jidko hamda bankning MDH mamlakatlari bo‘yicha boshqaruvchi direktori Teyba Guliyeva ishtirok etdi.
Uchrashuvda hamkorlikni kengaytirish va Societe Generale tomonidan taklif etilayotgan eksport moliyalashtirish va innovatsion kredit instrumentlari masalalari muhokama qilindi.
TMKning kritik minerallar, metallurgiya va ilmiy-tadqiqot loyihalari haqida tadqimot o‘tkazilib, xalqaro hamkorlikning yangi moliyaviy yo‘nalishlarini ochish masalalari muhokama qilindi.
Societe Generale vakillari eksportni moliyalashtirish bo‘yicha global amaliyotlar hamda sanoat va infratuzilma sohalaridagi ilg‘or tajribalarini taqdim etib, ularni TMK faoliyatida joriy etish imkoniyatlari ko‘rib chiqildi.
Bank tomonidan TMK xodimlari uchun grant asosida o‘quv kurslarini tashkil etish taklifi ilgari surildi — bu kurslar loyiha moliyalashtirish va xalqaro kapital bozorlariga IPO orqali chiqish jarayonlari bo‘yicha bilim va ko‘nikmalarni oshirishga qaratiladi.
_1761381928.jpg)
_1761381928.jpg)
