O‘zbekiston texnologik metallar kombinati (TMK) bosh ofisida Yevroosiyo taraqqiyot banki (YOTB) vakillari bilan kritik minerallar sohasidagi hamkorlikni rivojlantirishga bag‘ishlangan navbatdagi ishchi uchrashuv bo‘lib o‘tdi.
Mazkur uchrashuv joriy yil iyun oyida TMK va YOTB o‘rtasida kritik minerallar va nodir yer elementlarini qazib olish hamda qayta ishlash loyihalarini moliyalashtirish bo‘yicha imzolangan hamkorlik memorandumi doirasidagi muloqotning davomi bo‘ldi.
Tomonlar memorandumda belgilangan yo‘nalishlarni amaliy jihatdan rivojlantirish, istiqbolli loyihalarni moliyaviy qo‘llab-quvvatlash imkoniyatlari hamda hamkorlikning keyingi bosqichlarini muhokama qildilar.
Xususan, texnik ko‘mak mexanizmlari, investitsiya faoliyatini qo‘llab-quvvatlash va istiqbolli loyihalarni moliyalashtirish uchun qo‘llanishi mumkin bo‘lgan turli moliyaviy imkoniyatlar ko‘rib chiqildi.
Uchrashuv yakunida tomonlar istiqbolli hamkorlik yo‘nalishlarini amaliy jihatdan yanada rivojlantirish bo‘yicha ishlarni davom ettirishga kelishib oldilar.
#TMK #EurasianDevelopmentBank #CriticalMinerals #RareEarthElements #MiningInvestment #ProjectFinance #Uzbekistan
