O‘zbekiston texnologik metallar kombinati bosh ofisida Osiyo taraqqiyot bankining Iqlim o‘zgarishi va barqaror rivojlanish bo‘yicha maxsus maslahatchisi Edimon Ginting boshchiligidagi delegatsiyasi bilan uchrashuv bo‘lib o‘tdi.
Unda tomonlar sanoat uchun muhim minerallar yo‘nalishida mintaqaviy, shuningdek o‘zaro hamkorlikni mustahkamlash hamda kelgusi qadamlar yuzasidan fikr almashdilar.
Bank vakillari TMK loyihalari portfeli uchun mavjud texnik va moliyaviy yordam imkoniyatlari, shuningdek, yangi moliyalashtirish vositalari haqida taqdimot qildi. O‘z navbatida, TMK vakillari kombinatning missiyasi va strategik qarashlari, joriy faoliyati hamda ustuvor loyihalari bo‘yicha ma’lumot taqdim etdilar.
Edimon Ginting Osiyo taraqqiyot bankining TMK loyihalarini moliyalashtirish hamda R&D yo‘nalishida texnik yordam ko‘rsatishga tayyorligini bildirdi.
Tomonlar kelgusida barqaror rivojlanish va sanoat innovatsiyalari yo‘lida qo‘shma qadamlarga kelishib oldilar.
