⚡️ TMK tashabbusi bilan tashkil etilgan “Kelajak metallari texnoparki” nufuzli xalqaro tashkilot — Fan va innovatsiya hududlari hamda texnoparklarning Xalqaro Assotsiatsiyasi (IASP) a’zoligiga qabul qilindi.
IASP bugungi kunda 75 dan ortiq mamlakatdan 350+ ilmiy-tadqiqot markazlari va texnoparklarni birlashtirgan dunyodagi eng yirik innovatsiya tarmog‘i bo‘lib, ilm-fan, R&D va ilg‘or texnologiyalarni real sanoat yechimlariga aylantiradi hamda xalqaro bozorga olib chiqishga xizmat qiladi.
“Kelajak metallari texnoparki” yuqori texnologiyali ishlab chiqarishni rivojlantirish hamda O‘zbekistonning kritik minerallar salohiyatini kengaytirishga xizmat qiladi. Mazkur loyiha 150 gektar maydonni qamrab olib, 18 mingdan ortiq ish o‘rni yaratishni hamda salmoqli xalqaro investitsiyalarni jalb etishni maqsad qilgan.
"Kelajak metallari texnoparki"ning IASP a’zoligiga qabul qilinishi TMK uchun yana bir yangi bosqichni anglatadi.
Bu orqali mamlakatimiz global R&D va innovatsiya ekotizimiga to‘g‘ridan-to‘g‘ri ulanadi, kritik minerallar, materialshunoslik, nano va “yashil” texnologiyalar bo‘yicha ilg‘or tajribalar jalb etiladi, xalqaro grantlar, qo‘shma ilmiy-loyihalar va texnologiya transferi imkoniyatlariga ega bo‘ladi.
