Bugun TMK bosh ofisida O‘zbekiston Respublikasi Prezidentining iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi Suma Chakrabarti hamda Buyuk Britaniya elchixonasi vakillari bilan muhim uchrashuv bo'lib o'tdi.
Unda O‘zbekiston va Buyuk Britaniya o‘rtasidagi iqtisodiy va kritik minerallar sohasidagi hamkorlik masalalari muhokama qilindi. TMKning Buyuk Britaniya kompaniyalari bilan amaldagi va yangi hamkorlik imkoniyatlari ko'rib chiqildi.
Kun tartibidagi asosiy masala — O‘zbekistonning EITI (Extractive Industries Transparency Initiative) ga a’zo bo‘lish istiqbollariga bag'ishlandi.
EITI a’zoligi orqali shaffoflikni kuchaytirish, investorlar ishonchini oshirish, ESG standartlarini joriy etish va xalqaro moliyaviy institutlar bilan hamkorlikni kengaytirish imkoniyatlari muhokama qilindi. Suma Chakrabarti bu jarayonda TMKning tayanch institut sifatidagi rolini alohida ta’kidladi.
Uchrashuvda Yevropa tiklanish va taraqqiyot banki bilan aloqalarni mustahkamlash, TMK vakillarini yetakchi xalqaro moliya institutlari bilan tanishtirish hamda 2026-yil II-choragida kombinatga amaliy tashrifni tashkil etish bo‘yicha kelishuvga erishildi.
