Rossiyaning Moskva shahrida IV Yevroosiyo "Noyob va nodir yer metallari" xalqaro konferensiyasi bo‘lib o‘tdi. Unda dunyoning turli davlatlaridan 70 ga yaqin kompaniyalardan 100 dan ortiq yetakchi ekspertlar, sanoat korxonalari rahbarlari va mutaxassislar qatnashdi.
Konferensiyada "O‘zbekiston texnologik metallar kombinati" AJ vakillari ham faol ishtirok etdi. Delegatsiya a'zolari xalqaro ekspertlarning chiqishlarini tinglab, noyob va nodir yer metallarini qazib olish hamda qayta ishlashdagi yangi texnologiyalar, global tendensiyalar va sohadagi dolzarb muammolar muhokamalarida qatnashdi.
Shuningdek, O‘zTMK vakillari xalqaro ekspertlar va kompaniyalar bilan aloqalarni mustahkamlash, hamkorlikni kengaytirish bo‘yicha samarali muzokaralar olib bordilar.
