TMK boshqaruv raisi maslahatchisi, xalqaro ekspert Han Ilhan Toshkentda ilk bor o‘tkazilgan “U.S.–Central Asia Think Tank Forum” mintaqaviy fikr markazlari uchrashuvida ishtirok etdi.
Forumning asosiy mavzusi — Markaziy Osiyo va AQSh o‘rtasidagi barqaror hamkorlikni mustahkamlash, iqtisodiy va resurs xavfsizligini ta’minlash, xususan kritik xomashyo (Critical Raw Materials, CRM) bo‘yicha yangi yechimlarni ishlab chiqish edi.
Han Ilhan o‘z taqdimotida O‘zbekistonning bu boradagi o‘ziga xos ustunliklarini namoyish etdi. Xususan, u TMKning “kon – metall – bozor” integratsiyalangan modelini taklif qilib, upstream, midstream va downstream bosqichlarini yagona zanjirda birlashtirgan tizim sifatida tanishtirdi.
Forumda ilgari surilgan asosiy g‘oya — muloqotni amaliy natijaga aylantirish. Ya’ni, mintaqaviy ishlab chiqarish quvvatlarini kengaytirish, midstream qayta ishlash salohiyatini oshirish, hamkorlikdagi R&D va ta’lim dasturlarini rivojlantirish orqali Markaziy Osiyoda yangi ish o‘rinlari va barqaror iqtisodiy o‘sish poydevorini yaratishdir.
TMK ochiq muloqot va amaliy hamkorlik orqali xalqaro sheriklar bilan birgalikda innovatsiyalarni rivojlantirish, mintaqaviy barqarorlikni mustahkamlash va Markaziy Osiyo uchun barqaror kelajak yaratish yo‘lida ishlashga tayyor.
_1759572045.jpg)
_1759572045.jpg)
