📍 TMKning Ilmiy-texnik rivojlanish boshqarmasi tashabbusi bilan American University of Technology powered by Arizona University vakillari bilan amaliy uchrashuv tashkil etildi.
🎯 Uchrashuv doirasida kadrlar salohiyatini oshirish, ilg‘or ta’lim standartlarini joriy etish va xalqaro hamkorlikni kengaytirishga qaratilgan strategik yo‘nalishlarda kelishuvlarga erishildi.
Jumladan:
🔹 Kombinat xodimlari uchun zamonaviy o‘quv dasturlari asosida malaka oshirish kurslarini tashkil etish;
🔹 Ilmiy-tadqiqot faoliyatini qo‘llab-quvvatlash va xalqaro miqyosdagi ilmiy konferensiyalarni hamkorlikda o‘tkazish;
🔹 Kombinat qoshidagi Texnologik Metallar Oliy Maktabi bilan akademik aloqalarni rivojlantirish;
🔹 Texnologik metallar va materialshunoslik yo‘nalishlarida maxsuslashtirilgan magistratura dasturlarini joriy etish;
🔹 Project Management bo‘yicha amaliyotchilar uchun maqsadli ta’lim va xalqaro sertifikatlash kurslarini yo‘lga qo‘yish.
📑 Muzokaralar yakunida tomonlar o‘zaro ishonchli hamkorlikni huquqiy asosda mustahkamlash maqsadida Anglashuv memorandumi imzolanishi yuzasidan kelishuvga erishdilar.
