Nyu York shahrida o‘tkazilgan "Uzbekistan Investor Day" doirasida O’zbekiston texnologik metallar kombinati (TMK) delegatsiyasi samarali ishtirok etdi.
Tadbir “Tabiiy resurslar va sanoat yangiliklari” mavzusidagi panel sessiya bilan boshlandi. Unda TMK tomonidan ilgari surilayotgan “Kon–Metall–Bozor” modeli asosidagi to‘liq integratsiyalashgan qiymat zanjiri konsepsiyasi taqdim etildi.
Panel sessiyadan so‘ng "Dentons" yuridik kompaniyasi, AQShning yirik banklaridan biri "J.P. Morgan", shuningdek, "Voltan Capital Management" hamda "VanEck" kompaniyalari bilan TMKni xalqaro kapital bozorlariga olib chiqish, eksport moliyalashtirish, investitsiya loyihalari va hamkorlik imkoniyatlari yuzasidan muzokaralar olib borildi.
TMKning "Uzbekistan Investor Day" doirasidagi ishtiroki xalqaro investorlar bilan ochiq muloqotni kengaytirish, hamkorliklarni mustahkamlash va global kapital bozorlariga chiqish yo‘lida yangi imkoniyatlar yaratdi.
