Bugungi kunda TMK hamda Massachusetts Institute of Technology (MIT) o‘rtasidagi hamkorlik global darajadagi bilim va texnologiyalarni bevosita O‘zbekiston sanoatiga olib kirishga xizmat qilmoqda.
MIT dunyo reytinglarida texnologiya, muhandislik va kompyuter fanlari bo‘yicha eng yuqori o'rinlarni band qilib kelayotgan, 100+ Nobel mukofoti sovrindorlari ta'lim olgan nufuzli xalqaro institut hisoblanadi.
TMK va MIT hamkorligining ilk bosqichida TMKning 100 nafar muhandis xodimlari dunyoning eng ilg‘or raqamli ta’lim platformasi — MIT Horizonda o‘qitiladi.
Ushbu zamonaviy platforma MIT tadqiqotlari va sanoat innovatsiyalarini qisqa, aniq va amaliy o‘quv modullariga aylantiradi.
Ta'lim dasturi Artificial Intelligence, Generative AI, Digital Twin, IoT, Cybersecurity, Quantum Computing va Big Data kabi eng muhim kelajak texnologiyalarini qamrab olgan.
MIT Horizonning katta ustunligi — murakkab ilmiy g‘oyalarni sodda, tushunarli va amaliy ko‘nikmaga aylantirishidir. Bu TMK muhandislariga global texnologik tilni egallash va xalqaro standartlarda fikrlash imkonini beradi.
Shuningdek, MIT Horizon sertifikatlari xalqaro miqyosda tan olingan hujjat bo‘lib, TMK muhandislarining global darajada e’tirof etilganini ko'rsatadi.
TMKning ushbu hamkorligi Shavkat Mirziyoyevning “ta’lim, ilm-fan va sanoat” zanjirini yaratish, dunyoning eng nufuzli 50 universiteti bilan hamkorlikni yo‘lga qo‘yish tashabbusi doirasida amalga oshirilib, mamlakatimizda ta’lim va sanoat integratsiyasining yangi davrini boshlab bermoqda.
