«O‘zbekiston TMK» AJ Sizning kompaniyangizga o‘z hurmatini bildiradi hamda «Miskon mis-porfir konini o‘zlashtirish» loyihasi doirasida olingan yangi namunalar kimyoviy tarkibini aniqlash maqsadida namuna tayyorlash va laboratoriya-tahlil ishlarini amalga oshirish bo‘yicha tanlovda ishtirok etishga taklif etadi.
Texnik-tijorat taklifini tayyorlashda quyidagi talablarni inobatga olishingizni so‘raymiz:
ishlarni bajarish muddati;
to‘lov shartlari;
taklifning amal qilish muddati (kamida 60 kalendar kun);
tegishli tajriba haqida ma’lumot;
ishlar hajmining Texnik topshiriq talablariga muvofiqligi;
Texnik topshiriqda belgilangan talablarning bajarilishini ta’minlash.
Mazkur taklif Sizni qiziqtirgan taqdirda, Texnik topshiriqqa muvofiq ishlarni bajarish bo‘yicha texnik-tijorat taklifingizni taqdim etishingizni so‘raymiz.
Yuqorida ko‘rsatilgan barcha ma’lumotlarni elektron pochta orqali info@uztmk.uz va sh.gulyamov@uztmk.uz manzillariga yuborishingizni so‘raymiz. Xat mavzusida «Laboratoriyaning tijorat taklifi, Miskon-845» deb ko‘rsatilishi lozim.
Texnik topshiriq ilova qilinadi.
