Ayni paytda Yaponiyaning “Japan Organization for Metals and Energy Security” (JOGMEC) kompaniyasi vakillari O‘zTMK mutaxassislari hamrohligida Qashqadaryo viloyatida joylashgan Lolabuloq istiqbolli maydonida bo'lib turibdi.
Mehmonlar bilan birgalikda Mang'it va Bayankara maydonlarida yerusti izlanish ishlari olib borilmoqda.
Mazkur izlanishlar doirasida geologik tuzilmalarni aniqlash, istiqbolli kon maydonlarini belgilash hamda qidiruv ishlarining keyingi bosqichlarini rejalashtirish maqsad qilingan.
Shuningdek, bu kabi hamkorlikdagi izlanishlar O‘zTMK hamda JOGMEC o‘rtasidagi aloqalarni yanada mustahkamlash, xalqaro tajriba almashinuvini rivojlantirishga xizmat qilmoqda.
