TMK mutaxassislari hamda xorijiy ekspertlar "Mineral resurslar instituti"ga qarashli Olmaliq tajriba-sinov texnologiya markazida bo’lishdi.
Mutaxassislar hozirda Sultonbobo va Daykali istiqbolli maydonlarida noyob va kamyob metallar, jumladan, magniy, nikel, xrom, kobalt, titan, temir va boshqa metallarni ajratib olish texnologiyalarini ishlab chiqish ustida ish olib bormoqda.
Bundan tashqari, qora slanets turidagi uran koni ma’danlaridan vanadiy, reniy, mis va boshqa noyob yo‘ldosh metallarni ajratib olish bo‘yicha texnologiyalarni rivojlantirish ustida ishlar davom etmoqda.
TMKning xorijiy eksperti, texnolog Metin Alender, institut mutaxassislariga o‘z takliflarini ham bildirdi.
Bu jarayonlar TMKning kelajakda strategik ahamiyatga ega texnologik metallarni ishlab chiqarishi uchun muhim qadamlaridan biridir.
_1736577289.jpg)
_1736577292.jpg)
_1736577289.jpg)
