OʻzTMK tasarrufidagi Nodir metallar va qattiq qotishmalar zavodi xodimlari oʻrtasida sogʻlom turmush tarzini targʻib qilish va jamoa oʻrtasidagi birdamlikni kuchaytirish maqsadida futbol boʻyicha musobaqa tashkil etildi.
Musobaqada zavodning turli boʻlimlaridan iborat jamoalar ishtirok etib, oʻzaro mahoratlarini sinovdan oʻtkazishdi. Tadbir davomida ishtirokchilar nafaqat jismoniy faollikni oshirishdi, balki doʻstona raqobat va hamjihatlik muhiti orqali bir-birlariga boʻlgan hurmat va ishonchni mustahkamlashdi.
Eslatib o’tamiz, mazkur tadbir O’zbekiston Respublikasi Prezidentining “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to’g’risida”gi qarori ijrosini ta’minlash maqsadida o’tkazilib, endilikda OʻzTMK jamoasi bu kabi tadbirlarni muntazam tashkil etishni rejalashtirmoqda.
