Bugun Nodir metallar va qattiq qotishmalar ishlab chiqarish zavodiga Koreya Respublikasining O’zbekistondagi elchixonasining delegatsiyasi tashrif buyurdi. Dastlab Koreya Respublikasining O‘zbekistondagi favqulodda va muxtor elchisi boshchiligidagi delegatsiya vakillari “O’zTMK”AJda ishlab chiqariladigan mahsulotlar bilan tanishtirildi.
Shundan so’ng, Koreya Respublikasining O‘zbekistondagi favqulodda va muxtor elchisi Von Do Yon hamda “O’zbekiston texnologik metallar kombinati”AJ boshqaruv raisi Farhod Abdullayev, mas’ullar, soha vakillari ishtirokida muzokaralar olib borildi. Unda Koreya bilan hamkorlikda istiqbolli loyihalarga sarmoya kiritish, metallurgiya, nanotexnologiyalar va yangi materiallar sohasidagi ilg’or tajribalarni o’rganish, texnologik metallarni yetkazib berish, ilmiy-tadqiqot va konchilik faoliyati sohasida kadrlar tayyorlash masalalari muhokama qilindi.
Uchrashuv yakunida delegatsiya vakillari O’zbek-Koreya metallar markazida ham bo’lib, u yerdagi mavjud zamonaviy texnikalar bilan tanishishdi.
