Ayni paytda TMKning Texnologik metallar oliy maktabi vakillari Xitoyning Uxan shahrida joylashgan nufuzli Xitoy geofanlar universitetida bo‘lib turibdi.
Tashrif doirasida quyidagi yo'nalishlarda muzokaralar olib borildi:
- “1+1” dasturi asosida magistratura ta’limini yo‘lga qo‘yish;
- Xitoy geofanlar universiteti olimlari TMKning istiqbolli maydonlarida tadqiqot ishlari olib borishi;
- Xitoy geofanlar universiteti tomonidan oliy maktab talabalari uchun maxsus grantlar ajratish.
"Bu nafaqat universitet va TMK hamkorligini, balki O‘zbekiston va Xitoy o‘rtasidagi ilmiy-ta’limiy hamkorlikni ham mustahkamlaydi", - dedi universitetning Xalqaro ta’lim boshqarmasi boshlig‘i professor Feng Xu.
Delegatsiya tashrif davomida ta'lim jarayoni va yashash sharoitida talabalar uchun yaratilgan imkoniyatlar bilan yaqindan tanishdi. Kelgusida Texnologik metallar oliy maktabi talabalarining qulay yashashi va samarali ta’lim olishi yuzasidan kelishuvlarga erishildi.
Texnologik metallar oliy maktabi kritik minerallar bo‘yicha xalqaro tajribaga ega yangi avlod mutaxassislarini tayyorlash sari dadil bormoqda.
