TMKda xitoylik tadbirkorlar bilan uchrashuv o’tkazildi. Mazkur uchrashuv ikki tomonlama savdo-iqtisodiy aloqalarni mustahkamlash, yangi investitsion loyihalarni ilgari surish hamda zamonaviy texnologiyalar transferi bo‘yicha hamkorlikni kengaytirish maqsadida tashkil etildi.
Xitoy delegatsiyasi tarkibidan “Nyanjin tumani savdo byurosi”, “Hebei” logistika guruhi, “Chuan Xin Wei Ye Cable Technology Co Ltd”, “XinQiao Cable Co Ltd” va “Great Wall Cable Co Ltd” kabi yirik kompaniyalar rahbarlari ishtirok etdi.
Uchrashuv davomida TMKning faoliyati, mavjud ishlab chiqarish salohiyati, eksport imkoniyatlari hamda istiqbolli investitsion loyihalar taqdimoti o‘tkazildi. Xitoylik tadbirkorlar TMK tomonidan amalga oshirilayotgan ilmiy-texnik yangiliklar, xomashyo zaxiralari va infratuzilma imkoniyatlariga katta qiziqish bildirishdi.
Mazkur uchrashuv ikki mamlakat o‘rtasidagi sanoat kooperatsiyasini mustahkamlash yo‘lida yana bir muhim qadam bo‘ldi. Tomonlar muloqotni amaliy hamkorlik bilan davom ettirishga kelishib oldilar.
