O‘zbekiston texnologik metallar kombinati delegatsiyasi Turkiyaga tashrifini Anqaradagi OSTİM texnika universitetida davom ettirdi.
Tashrif davomida universitet rektori Professor Murat Yülek bilan uchrashuv bo‘lib, tomonlar kadrlar tayyorlash, amaliyot va dual ta’lim tizimi bo‘yicha muloqot olib bordilar.
Uchrashuv yakunida OSTİM texnika universiteti hamda TMK o'rtasida hamkorlik memorandumi imzolandi. Ushbu kelishuvga ko‘ra, Texnologik metallar oliy maktabi faoliyatini rivojlantirish jarayonida OSTİMning ilg‘or tajribasi o‘rganilib, mos yo‘nalishlar amaliyotga joriy etiladi.
Shuningdek, delegatsiya a'zolari universitetdagi o‘quv jarayonlari, ilmiy va amaliy dasturlar, bitiruvchilarni ish bilan ta’minlash mexanizmlari bilan yaqindan tanishdi.
Ma'lumot uchun, OSTİM texnika universiteti – sanoat va ta’limni uzviy bog‘laydigan, nazariy bilimlarni amaliy tajriba bilan uyg‘unlashtiradigan Turkiyaning eng ilg‘or oliy o‘quv maskanlaridan biri.
