Konferensiya doirasida tashkil etilgan “LMD Undergraduate Student Poster Contest” nufuzli tanlovida O'zbekiston jamoasi taqdim etgan ilmiy poster 1- o'ringa munosib topildi.
Ushbu ilmiy poster O'zTMK Boshqaruv raisi Farhod Abdullayev, O'zTMK Boshqaruv raisining fan va taraqqiyot masalalari bo‘yicha o‘rinbosari Amir Abidov, texnika fanlari doktori, professor Elyorjon Jumayev, amaliyotchi muhandis Raxmatjon G‘ofurov hammuallifligida tayyorlangan bo'lib, "Yuqori entropiyali qotishmalarning mikrostrukturasi va mexanik xossalariga turli issiqlikdagi toblash (annealing) davomiyliklarining ta’siri chuqur tahlili" mavzusiga bag'ishlangan.
Ma'lumot uchun, mazkur konferensiyada aerokosmik, mashinasozlik va ilg‘or materiallar bo‘yicha dunyoning ko‘zga ko‘ringan tashkilotlari, korxonalar va ta’lim dargohlaridan 4000 nafardan ortiq olimlar ishtirok etdi.
