Finlyandiyaning Xelsinki shahrida bo'lib o‘tayotgan Xalqaro volfram sanoati assotsiatsiyasi (ITIA) anjumanida TMK vakillari faol ishtirok etmoqda.
Tadbir doirasida TMK vakillari qator yirik kompaniyalar bilan samarali muzokaralar o‘tkazib, istiqboldagi hamkorlik va qo‘shma tashabbuslar yuzasidan kelishuvlarga erishdi:
NIC Resources maslahatchisi va SYRAM Corporation rahbari Furhat Faizulla bilan volfram mahsulotlari – xususan, volfram shtabiklari va briketlarini Kanada, AQSh va Yaponiya bozorlariga yetkazib berish bo‘yicha kelishuvlarga erishildi.
Xalqaro misyosdagi TRAXYS kompaniyasi bilan TMK mahsulotlarini sotish hamda xomashyo importi va ularni O‘zbekistonda qayta ishlash masalalari muhokama qilindi.
Shuningdek, Kennametal (Germaniya), Sanalloy Industry (Yaponiya), MBR Metals (AQSh), Guardian Metal Resources Plc (Buyuk Britaniya), Zhangyuan Tungsten (Xitoy), Grace Tungsten Resources (Gonkong), Wolfram Bergbau-u Hutten AG (Avstriya) kompaniyalari bilan ham samarali muzokaralar olib borilib, kelishuvlarga erishildi.
Anjuman davomida TMK hamda Xalqaro volfram sanoati assotsiatsiyasi (ITIA) Bosh kotibi Burghard Zeiler bilan o‘tkazilgan uchrashuv alohida ahamiyat kasb etib, tomonlar o‘rtasida kelgusidagi hamkorlik yo‘nalishlari muhokama qilindi.
Anjuman davom etmoqda. Yangi hamkorliklar va kelishuvlarni biz bilan kuzatib boring!
