“INNOPROM. Markaziy Osiyo” xalqaro sanoat ko‘rgazmasi doirasida O‘zTMK hamda Shveytsariyaning Open Mineral kompaniyasi o'rtasida uchrashuv bo'lib o'tdi.
Unda tomonlar palladiy metallarini eksport qilish va O‘zTMKga xomashyo yetkazib berish bo‘yicha hamkorlikni rivojlantirishga kelishib oldilar.
Shuningdek, istiqbolda hamkorlikni bosqichma-bosqich kengaytirish, yetkazib berish zanjirini takomillashtirish va yangi texnologiyalar asosida ishlash borasida ham munozara o‘tkazdilar.
Ma'lumot uchun, Open Mineral sun’iy intellekt texnologiyalari asosida ishlaydigan global xomashyo savdo kompaniyasi bo‘lib, rangli, qora, qimmatbaho va batareya metallarini ishonchli manbalardan yetkazib berish, moliyalashtirish, logistika va tarqatish bilan shug‘ullanadi.
_1746011819.jpg)
_1746011831.jpg)
