Ayni paytda Qozog‘istonning poytaxti Ostona shahrida "Xalqaro “MINEX Qozog‘iston-2025” kon-geologiya forumi bo‘lib o‘tmoqda. Mintaqa va butun dunyo kon sanoati vakillarini bir joyga to‘plagan ushbu nufuzli tadbirda O‘zbekiston texnologik metallar kombinati ham faol ishtirok etmoqda.
Forumning asosiy yo‘nalishlari:
⚪️ Barqaror rivojlanish va ESG tamoyillari;
⚪️ Texnologik innovatsiyalar va raqamlashtirish;
⚪️ Investitsiyalar va geologik razvedka;
⚪️ Hamkorlik: Markaziy Osiyo davlatlari o‘rtasida mintaqaviy integratsiyani rivojlantirish.
Ushbu forum doirasida 30 mamlakatdan ortiq ishtirokchilar – 100 dan ziyod yetakchi spikerlar, 450 dan ortiq delegatlar va 40 dan ko‘proq kompaniyalar qatnashmoqda. Tadbirning ushbu ko‘lami Qozog‘istonning mintaqaviy geologik markaz sifatida tutgan o‘rnini yanada mustahkamlab bermoqda.
Forum davomida O‘zTMK hamda Yevropaning yetakchi muhandislik va konchilik bo‘yicha konsalting kompaniyalari "SLR" va "Wardell armstrong" bilan hamkorlikda loyihalarni amalga oshirish uchun kelishuvga erishildi.
Forum yangiliklarini biz bilan birga kuzatib boring. Oldinda qiziqarli uchrashuvlar, muhim chiqishlar va yangi imkoniyatlar kutmoqda!
