O‘zbekiston texnologik metallar kombinatiga Jiangxi Tungsten kompaniyasiga qarashli Ganzhou Huamao Tungsten Materials kompaniyasi bosh direktori Yin Jia Jun, shuningdek, China Nerin Engineering kompaniyasi vakillari Zhang Hai Bao va Jia Qian Ru tashrif buyurdilar.
Kompaniyalar o‘rtasida do‘stona davra suhbati tashkil etilib, tomonlar bir-birining imkoniyatlari bilan yaqindan tanishdilar. So‘ng delegatsiya Nodir metallar va qattiq qotishmalar zavodida bo‘lib gidrometallurgiya jarayonlarini chuqur o‘rganishdi.
Shuningdek, mehmonlar Tog‘-kon sanoati va geologiya vazirligida ham bo‘lib, sohadagi yangi loyihalar bo‘yicha muhokamalar olib bordilar.
Ushbu hamkorlik O‘zTMK uchun strategik ahamiyatga ega bo‘lib, xalqaro ekspertiza almashinuvi, texnologiyalarni rivojlantirish va yangi loyihalarni amalga oshirish uchun keng imkoniyatlar yaratadi.
Ma'lumot uchun, Jiangxi Tungsten dunyo bozorida volfram narxiga katta ta'sir ko‘rsata oladigan nufuzli kompaniya hisoblanadi.
