Joriy yilning 5-may kuni Hilton mehmonxonasida nufuzli O‘zbekiston – Turkiya biznes forumi bo‘lib o‘tadi.
Mazkur forum Turkiya Respublikasining Ostim yirik sanoat markazi, O‘zbekiston Respublikasi Investitsiyalar, sanoat va savdo vazirligi, Tog‘-kon sanoati va geologiya vazirligi hamda O'zbekiston texnologik metallar kombinati (TMK) hamkorligida tashkil etilmoqda.
Forum doirasida O‘zbekiston va Turkiyaning iqtisodiy, investitsiyaviy, tog’-kon sanoati imkoniyatlari namoyish etilib, hamkorlik uchun muhim bo‘lgan tarmoqlar va ustuvor yo‘nalishlar taqdim etiladi. Shuningdek, qo‘shma investitsiya va sanoat loyihalarini amalga oshirish bo‘yicha aniq taklif va tashabbuslar ko‘rib chiqiladi.
Forumda TMK tomonidan amalga oshirilayotgan loyihalar haqida batafsil ma’lumot taqdim etiladi:
— TMK Chemicals — sulfat kislota ishlab chiqarish
— R&D Park — kritik minerallar bo‘yicha ilmiy-tadqiqot klasteri
— “Kelajak metallari” texnoparki — noyob va kritik metallarni chuqur qayta ishlash
— UTMK Smart Powder — kukun metallurgiyasi
— Graphtech Mining and Production — tog‘-kon sanoati loyihalari.
Ishtirokchilar ikki tomonlama hamkorlikni yanada kengaytirish istiqbollari, xususiy sektor va davlat idoralari o‘rtasidagi hamkorlik mexanizmlarini takomillashtirish masalalari, shuningdek, qo‘shma tashabbuslarni amaliy jihatdan rivojlantirish yo‘llarini o‘rganib chiqadilar.
Tadbirda qatnashish uchun mazkur havola orqali ro‘yxatdan o‘tish anketasini to‘ldirishingizni so‘raymiz:
