TMK va Qirg‘izistonning “Asil Zat Grupp” kompaniyasi vakillari o‘rtasida hamkorlik istiqbollarini o‘rganish maqsadida uchrashuv bo‘lib o‘tdi. Muzokaralarda ikki tomon strategik va noyob metallar sohasidagi qo‘shma loyihalar bo‘yicha istiqbolli takliflarni muhokama qildi.
“Asil Zat Grupp” kompaniyasi o'z faoliyati haqida ma'lumot berib, u yerdagi sanoat uchun muhim minerallardan O‘zbekistonda yakuniy mahsulot olish taklifini bildirdi. Shuningdek, Samarqand viloyatidagi texnopark imkoniyatlaridan foydalanish masalasi ham muhokama qilindi.
✅ Uchrashuvda shuningdek, TMK qo‘shma loyihalar uchun ochiq ekani, xorijiy hamkorlarga soliq va boj imtiyozlari, energiya va logistika bilan ta’minlangan zamonaviy sanoat maydonlari mavjudligi bildirildi.
Uchrashuv ikki qo‘shni mamlakat kompaniyalari o‘rtasida resurslarni samarali qayta ishlash yo‘lida muhim qadam bo‘lishi kutimoqda.
