O‘zbekiston Respublikasi Oliy ta’lim, fan va innovatsiyalar vazirligi hamda Xitoy Xalq Respublikasi Ta’lim vazirligi hamkorligida tashkil etilgan O‘zbekiston–Xitoy ta’lim forumi ikki mamlakat o'rtasida ta’lim, fan va innovatsiya sohalaridagi hamkorlikni yangi bosqichga olib chiqmoqda.
Forumda O‘zbekiston texnologik metallar kombinati ham faol ishtirok etib, Xitoyning yetakchi universitetlari va ilmiy markazlari bilan geologiya, konchilik, geotexnika, muhandislik, o‘quv va ilmiy-tadqiqot faoliyati sohalarida hamkorlikni rivojlantirish bo'yicha o‘zaro anglashuv memorandumini imzoladi.
Ushbu hamkorlik orqali Texnologik metallar oliy maktabi talabalari va yosh tadqiqotchilari Xitoyning eng nufuzli oliy ta’lim muassasalarida ta’lim olish, ilmiy-tadqiqot ishlari olib borish hamda xalqaro tajriba orttirish imkoniyatiga ega bo‘ladilar.
Mazkur hamkorlik tashabbusi Prezidentimiz Shavkat Mirziyoyev rahnamoligida ilgari surilgan “sanoat – ilm-fan – ishlab chiqarish” zanjirini shakllantirishga qaratilgan global strategiyaning amaliy ifodasidir.
_1762164302.jpg)
_1762164275.jpg)
