Litiy yashil energetika, elektromobillar, qayta tiklanuvchi energiya tizimlari va AI serverlarining yuragi hisoblanadi. Kelgusi 10 yillikda litiyga global talab hozirgi ko‘rsatkichdan bir necha baravar oshishi kutilmoqda.
O‘zbekiston texnologik metallar kombinatining Xalqaro Litiy Assotsiatsiyasiga (ILiA) a’zo bo‘lishi — mamlakatimizning global litiy sanoatiga kirib borishida muhim qadam bo'ldi.
Xalqaro Litiy Assotsiatsiyasi — bugungi kunda 70 dan ortiq dunyo litiy sanoatining yetakchi kompaniyalarini birlashtirgan nufuzli tashkilot bo‘lib, uning a’zolari tomonidan ishlab chiqariladigan litiy hajmi jahon bozorining 85 foizini tashkil etadi.
O‘zbekistonning ushbu assotsiatsiyaga qo‘shilishi global litiy gigantlari bilan bevosita hamkorlik qilish imkoniyatini yaratadi.
Shuningdek, ILiAga a’zolik orqali TMK:
Yevropaning yirik xalqaro yuridik tashkilotlaridan biri – CMS bilan doimiy hamkorlik;
Assotsiatsiyaning bozor tahlillari orqali xalqaro tendensiyalarni muntazam kuzatib borish;
“Education Subcommittee” doirasida soha mutaxassislari uchun malaka oshirish dasturlari va xalqaro treninglarda ishtirok etish imkoniyatlariga ega bo'ladi.
TMK O‘zbekistonni xalqaro maydonga yashil energetika, elektromobil sanoati va kelajak texnologiyalarining ajralmas bo‘g‘ini sifatida olib chiqmoqda.
