TMKda dunyoning nufuzli oliygohlaridan biri — AQShning Massachusets Texnologiya Instituti (MIT) hamda University of Business and Science (O'zbeksiton) vakillari bilan videomuloqot tashkil etildi.
Muhokama qilingan asosiy yo‘nalishlar:
- Sun’iy intellekt va raqamli texnologiyalar asosida foydali qazilmalarni boyitish va yangi qotishmalar yaratish;
- Aqlli o‘quv tizimlarini yo‘lga qo‘yish va yuqori samarali ilmiy tadqiqotlarni amalga oshirish;
- MIT ta’lim standartlari asosida TMK kadrlarini tayyorlash va malaka oshirish;
- Sanoat loyihalari menejmenti va global kritik metallar zanjirlari bo‘yicha mutaxassislar tayyorlash;
- MIT Horizon va Universal AI kabi xalqaro platformalarda hamkorlikni kengaytirish.
Videomuloqot natijasida 2026-yildan boshlab har yili 100 nafardan ortiq TMK xodimlari MITning raqamli platformalari orqali malaka oshiradi.
Ushbu hamkorlik TMK va AQShning yetakchi universitetlari bilan barqaror hamkorlikni yo‘lga qo‘yish va TMKni global innovatsion kompaniya sifatida yangi bosqichga olib chiqishga xizmat qiladi.
