ARGETEST vakillari O‘zbekiston Texnologik Metallar Kombinati (TMK) rahbariyati bilan uchrashuv o‘tkazdi.
Suhbat davomida ikki tomon hamkorlik istiqbollari, jumladan:
foydali qazilmalarni boyitish bo‘yicha tajriba almashish,
ilmiy-tadqiqot loyihalarida hamkorlik,
malaka oshirish dasturlarini birgalikda amalga oshirish masalalari muhokama qilindi.
Uchrashuv chog‘ida ARGETEST o‘zining laboratoriyalari faoliyati bilan batafsil tanishtirdi, unda zamonaviy boyitish texnologiyalari va mineral tahlil imkoniyatlari namoyish etildi.
Ushbu hamkorlik O‘zbekiston va Turkiya o‘rtasida ilmiy va sanoat aloqalarini mustahkamlash, yangi texnologiyalarni joriy etish va global mineral bozorida raqobatbardosh mahsulotlar ishlab chiqarishga xizmat qiladi.
Ma'lumot uchun, 2012-yilda Anqarada tashkil etilgan ARGETEST kompaniyasi foydali qazilmalarni boyitish, ilmiy-tadqiqot va mineral tahlil sohalarida faoliyat yuritib, Turkiyada o‘z tarkibida analitik laboratoriyaga ega bo‘lgan birinchi, dunyoda esa mustaqil ruda boyitish tadqiqotlarini olib boradigan kam sonli laboratoriyalardan biridir.
