Ayni kunlarda Toshkent shahri O‘zekspomarkaz majmuasida “Inson uchun – 2026” III an’anaviy festivali bo‘lib o‘tmoqda.
Mazkur festival imkoniyati cheklangan fuqarolarni qo‘llab-quvvatlash, ularning bandligini ta’minlash, inklyuziv muhitni rivojlantirish hamda ijtimoiy himoya yo‘nalishidagi tashabbuslarni keng targ‘ib qilishga qaratilgan.
Tadbir doirasida O‘zbekiston texnologik metallar kombinati hamda festival ishtirokchisi bo'lgan “Xonqizi” korxonasi o‘rtasida TMKga korporativ uniformalar yetkazib berish bo'yicha shartnoma imzolandi. Mazkur korxona bugungi kunda 100 dan ortiq turdagi mahsulotlarni yurtimizdagi 50 dan nufuzli kompaniyalarga yetkazib bermoqda.
E'tiborlisi, korxonada 12 nafar imkoniyati cheklangan fuqarolar mehnat faoliyatini olib bormoqda. Bu esa inklyuziv bandlikni qo‘llab-quvvatlash, ijtimoiy himoya va inson manfaatlarini ustuvor qo‘yishga qaratilgan amaliy tashabbuslarning yorqin namunasidir.
TMK uchun bunday hamkorliklar ESG tamoyillari, ijtimoiy mas’uliyat hamda inson kapitaliga investitsiya kiritish siyosatining muhim yo‘nalishidir.
